The art of not being one with the universe

Nede ved tunnellbanestasjonen ligg ein butikk som heiter sju-eleven, sju minus elleve, minus fire, alt ettersom. Der er det ein kaffimaskin som, etter mi meining, lagar drikkande kaffi. Denne maskinen kan t.d. laga vanleg kaffi, eller han kan laga espresso, i tillegg til ymse anna fjas. Det er sjølvsagt ein del mindre epresso oppi ein kopp espresso enn det er coffea vulgaris oppi ein kopp coffea vulgaris. Men det er den same koppen i begge tilfella. Eg har framleis til gode å betala noko anna enn vanleg pris for ein dobbel espresso der. Eg har rett nok aldri prøvd, men eg trur ikkje det er halv pris for enkel espresso. Koppen ser ut til å ha plass til ein trippel.