Snart kjem Firefox i versjon 2. Mykje nytt og fint, og det beste er nynorskomsetjinga.
Monthly Archive for October, 2006
Eg driv, i lag med to andre, og skriv ein slik liten rapport om ymse teknikkar for å søka etter og samanlikna gener. Det er ei ganske interessant øving, ikkje minst fordi det minner meg på kva for eit ubrukeleg søppel Word er.
Endringssporefunksjonen er nyttig, for all del. Men altså: Folk™ kan ikkje typografi. Avsnittsbrekking og figurplassering er oppgåver maskinen stort sett klarar betre. Word skal gjera så mykje ræl automatisk, kan ikkje faenskapen gjera noko av det viktige også?
Så. Coca Cola Company har lansert Coke Zero, ein ny variant sukkerfri cola, i kongeriket. Konklusjonen er: Drikken er litt betre enn Cola Light, ikkje like god som sukkerfanga cola, cola i alle variantar smakar framleis rart, og reklameavdelinga til Coca-Cola Company er framleis ein gjeng lobotomerte apekattar.
Når du reiser til t.d. Spaniens land via London kan du risikera å fly til Heathrow og frå Gatwick eller omvendt. Dette er to ulike flyplassar. Mitt råd: Ikkje gidd. Betal fire-fem hundre ekstra for å sleppa byttet. Det tek minimum to timar, du må henta bagasjen sjølv og levera inn igjen på neste flyplass, bussen kostar £16 (inkl. British Airways-rabatt). På den positive sida kan og bør det likevel nevnast at det er trass alt åttefelts motorveg nesten heile vegen, så det er ikkje like gale som flyplassbytte i t.d. kongeriket Noreg.
Var ei veke i Nerja, Spania i lag med frender frå folkehøgskule. Varmt. Fint. Daff daff daff. Utruleg flotte stalakittar i holene der.
No er eg i Noreg att. Kvifor gjorde eg det? Det er kaldt her. Eg kunne blitt i Spania.
