Den siste veka har eg sett på korleis snøen har lagt seg som eit tynt kvitt dryss langs kanten av fjella, og korleis snøkanten sakte klatra nedover etterkvart som ein såg innover Adventdalen.
I dag var det kvitt på bakken i låglandet. Vinteren nærmar seg. Kanskje han kjem før jul denne gongen.
Rett bortanfor døra mi, attmed trappa, ligg ein plastpose. Han har vore der sidan påske.
Oppi plastposen ligg det tolv boksar.
To brus. Ti øl. Brusboksane har revna i kulda som var. Ølboksane er heile.
Eg var i Pyramiden i går. Der var det fullt av måse. Dei hadde omdefinert to av blokkene til fuglefjell. Å navigera over ein isbre i slett sikt der alt eg har å sjå etter er sporet til sida for meg, sidan sporet framfor meg er usynleg, er … artige greier.
Smeltartida har byrja. Det var merkbart mindre snø i Longyearbyen då me kom att enn då me drog ut, og verre var det i dag. Eg må nok snart setja Helga på stallen. Helst medan det enno er snø mesteparten av vegen dit. Pyramideturen var ein betre sesongslutt enn i fjor.
http://svalbardposten.no/nyheter/fin-1-mai-markering
Rett bak fana, iført raud jakke og blank barysax, går eg.
Det er sørgjeleg varmt for tida (-2 °C) og midnattssola er i full fyr, så det er nok diverre ikkje lenge til våren startar. Dermed kan det høva med ei oppsummering av den mørke delen av vinteren.
24. januar: Ettermiddagstur til Sukkertoppen
Utsikt over fjorden
Det var visst nokre fjell der borte likevel. Det er overskya vêr, og det einaste ljoset som finst er kunstig ljos frå Longyearbyen. Både fjorden og fjella var plent usynlege med auget.
Motorkjelkar på breen.
26. januar: Klokka er midt på dagen og takluka er open.
Og desse to bileta er ein viktig grunn til å ha polarisasjonsfilter. Dei er tekne med få sekunds mellomrom, einaste skilnaden er at polafilteret har rotert.
31. januar: Utepils.
7. februar: Det går mot ljosare tider
Bøgda sett frå TV-reléet på Hiorthfjellet.
EISCAT, KHO, gruve 7.
Sneheim og Hiorthfjellgruva.
SvalSat på Platåfjellet.
Malu, og eit TV-relé.
Bøgda sett frå andre sida, oppå Longyearbreen.
10. februar: Isbading med skuterdress.
22. februar: Sol!
No som det snart er midnattssol vert solnedgangane litt underlege. Sånn litt før elleve i kveld stod eg og såg på sola som gjekk nesten vassrett bak fjella på andre sida av Isfjorden, og gøymte seg bak eit fjell og gløtta så fram att før ho sneik seg bak det neste. Det var som om ho leikte gøymsel i staden for å gå ned. Som om ho ikkje ville heim og leggja seg.
og snøen i Barentsburg er kvit. Det var faktisk litt overraskande. Dei har kanskje fått orden på kraftverket sitt.
Published on
26 February 2009 in
Svalbard.
This is fun. And insanely cold. Not while I was in the water, but when I was walking back to safe ground across questionable ice. I’d advise not not fuck up royally and discover that your spare boots are not in your carefully packed bundle of dry warm clothes. It’s not very dangerous, but the cold is painful.
Eg kan sjå ut av kontorglaset mitt. Det hjelper.
Published on
27 January 2009 in
Svalbard.
No er det såpass til blåskumring midt på dagen at ein kan sjå ganske bra viss det ikkje er for mange skyer, så eg sneik meg opp på taket i går for å fotografera litt. Eg trur det vart brukbare klisjébilete, men sidan Macen min havarerte for eit par veker sidan, er det litt kronglete å leggja ut noko før eg får transplantert inn ny harddisk og installert alt fjaset på nytt.
Og sidan det snart vert dagslys har eg også skaffa meg ei dagslyslampe, sidan dette med døgnrytme har vore heller vanskeleg i det siste. Eg eg litt usikker på kva den lampa gir som ikkje to 20W sparepærer kunne gitt, bortsett frå litt kaldare fargetone og vesentleg djupare hol i kontoen.
