The art of not being one with the universe » Svalbard

iPod-voiceover

Åsmund — Tue, 10 Aug 2010 17:16:10 +0000

Min vesle ipod nano har ein artig funksjon: Å lesa opp namn på sporet som vert spelt, slik at eg ikkje treng å sjå på skjermen. Dette funkar også på podcastar. Og ikkje berre det: ipodden gjettar på kva for eit språk tittelen er på, og vel uttalar ordet ut frå det. Det går gjerne så som så:

Verdt å vite: svensk, engelsk
Herreavdelingen: tysk
Morgenkåseriet: svensk
Verden på lørdag: dansk
Søndagsavisen: engelsk
Ukeslutt: engelsk

Altså, kva er det NSB tillet seg?

Åsmund — Tue, 15 Jun 2010 11:47:36 +0000

Ein togbillett frå NSB.

Eit gløtt frå Nordpolet

Åsmund — Sun, 29 Nov 2009 09:08:56 +0000

Snjo

Åsmund — Thu, 17 Sep 2009 12:43:57 +0000

Den siste veka har eg sett på korleis snøen har lagt seg som eit tynt kvitt dryss langs kanten av fjella, og korleis snøkanten sakte klatra nedover etterkvart som ein såg innover Adventdalen.

I dag var det kvitt på bakken i låglandet. Vinteren nærmar seg. Kanskje han kjem før jul denne gongen.

Ting som skjer på Svalbard

Åsmund — Sat, 16 May 2009 22:17:12 +0000

Rett bortanfor døra mi, attmed trappa, ligg ein plastpose. Han har vore der sidan påske.

Oppi plastposen ligg det tolv boksar.

To brus. Ti øl. Brusboksane har revna i kulda som var. Ølboksane er heile.

Smeltartid

Åsmund — Tue, 05 May 2009 14:11:17 +0000

Eg var i Pyramiden i går. Der var det fullt av måse. Dei hadde omdefinert to av blokkene til fuglefjell. Å navigera over ein isbre i slett sikt der alt eg har å sjå etter er sporet til sida for meg, sidan sporet framfor meg er usynleg, er … artige greier.

Smeltartida har byrja. Det var merkbart mindre snø i Longyearbyen då me kom att enn då me drog ut, og verre var det i dag. Eg må nok snart setja Helga på stallen. Helst medan det enno er snø mesteparten av vegen dit. Pyramideturen var ein betre sesongslutt enn i fjor.

1. mai

Åsmund — Fri, 01 May 2009 17:54:05 +0000

http://svalbardposten.no/nyheter/fin-1-mai-markering
Rett bak fana, iført raud jakke og blank barysax, går eg.

Eit samandrag av mørkret

Åsmund — Fri, 01 May 2009 16:35:50 +0000

Det er sørgjeleg varmt for tida (-2 °C) og midnattssola er i full fyr, så det er nok diverre ikkje lenge til våren startar. Dermed kan det høva med ei oppsummering av den mørke delen av vinteren.

24. januar: Ettermiddagstur til Sukkertoppen

Utsikt over fjorden

Det var visst nokre fjell der borte likevel. Det er overskya vêr, og det einaste ljoset som finst er kunstig ljos frå Longyearbyen. Både fjorden og fjella var plent usynlege med auget.

Motorkjelkar på breen.

26. januar: Klokka er midt på dagen og takluka er open.

Og desse to bileta er ein viktig grunn til å ha polarisasjonsfilter. Dei er tekne med få sekunds mellomrom, einaste skilnaden er at polafilteret har rotert.

31. januar: Utepils.

7. februar: Det går mot ljosare tider

Bøgda sett frå TV-reléet på Hiorthfjellet.

EISCAT, KHO, gruve 7.

Sneheim og Hiorthfjellgruva.

SvalSat på Platåfjellet.

Malu, og eit TV-relé.

Bøgda sett frå andre sida, oppå Longyearbreen.

10. februar: Isbading med skuterdress.

22. februar: Sol!

Vassrett solnedgang

Åsmund — Tue, 14 Apr 2009 21:47:35 +0000

No som det snart er midnattssol vert solnedgangane litt underlege. Sånn litt før elleve i kveld stod eg og såg på sola som gjekk nesten vassrett bak fjella på andre sida av Isfjorden, og gøymte seg bak eit fjell og gløtta så fram att før ho sneik seg bak det neste. Det var som om ho leikte gøymsel i staden for å gå ned. Som om ho ikkje ville heim og leggja seg.

Vinteren er heldigvis ikkje over

Åsmund — Wed, 25 Mar 2009 12:45:52 +0000

og snøen i Barentsburg er kvit. Det var faktisk litt overraskande. Dei har kanskje fått orden på kraftverket sitt.

Winter bath

Åsmund — Thu, 26 Feb 2009 12:35:27 +0000

This is fun. And insanely cold. Not while I was in the water, but when I was walking back to safe ground across questionable ice. I’d advise not not fuck up royally and discover that your spare boots are not in your carefully packed bundle of dry warm clothes. It’s not very dangerous, but the cold is painful.